Aquaria KLCC
Aquaria KLCC – 250 dan ortiq turdagi, 5000 ga yaqin suv jonzotlarini o’z ichiga olgan ulkan okeanarium bo’lib, 2005-yilda foydalanishga topshirilgan. Bu yerda Malayziya va boshqa davlatlardan keltirilgan suv hayvonlari bor.
KL Bird Park
KL Bird Park – Kuala Lumpurdagi qushlar parki bo’lib, mashhur turistik makonlardan biri hisoblanadi. Bu yerga yiliga 200 mingdan ortiq sayyoh tashrif buyuradi. Parkda 200 turdan ortiq 3000 tacha qushlar mavjud bo’lib, ularning 90% mahalliy qushlar va 10% chetdan olib kelingan.
Bozor
Bugun dam olish kuni bo’lgani uchun bosh oqqan tomonga qarab ketaverganimda, yo’lda yoyma bozor rastalarini uchratdim. Aslida bozor uzoqda emas ekan, men yashayotgan joydan 20 daqiqada piyoda yetib olish mumkin.