Taylandda işlaş, işçi Non-B viza oliş tartibi
Tayland poytaxti Bangkok katta metropolis bölib, karyera qiliş uçun ajoyib imkoniyat beradi. Poytaxtda katta korporatsiyalardan ham, kiçik startaplardan ham iş topsa böladi (Linkedin'da Bangkokni tanlab, iş qidirsangiz takliflar çiqadi).
Işlaş uçun Non-B deb nomlanuvçi viza bölişi kerak, viza böyiça iş beruvçi şuğullanadi.
Viza uçun kerak böladigan hujjatlar:
- Pasport. Amal qiliş muddati ötmagan va böş varaqlari kamida 3 ta bölişi kerak.
- Pasportning rasmli varaği, viza, ştamp varaqlarining nusxasi;
- 3.5x4.5 rasm;
- Universitet/institut diplomining tarjima qilingan va Özbekistonning Bangkokdagi konsulligi tomonidan tasdiqlangan nusxasi. Konsullik xizmati yarim kunni oladi va 1600 bat böladi;
- Rezyume;
- Tayland Mehnat vazirligidan xat (1 oyda tayyor böladi);
- Iş beruvçi kompaniyaning taklif xati;
- Iş beruvçi kompaniyaning röyxatga olinga olinganligi haqida hujjat va litsenziyasi nusxasi;
- Iş beruvçi kompaniyaning aksiyadorlari röyxati nusxasi;
- Iş beruvçi kompaniyaning oxirgi balans röyxati nusxasi;
- Iş beruvçi kompaniyaning VAT röyxatga olinganligi hujjati nusxasi.
Qöşimça sifatida:
- hodimning malakali ekanligini tasdiqlaş uçun avvalgi iş joylaridan spravka va uni ingliz tiliga ögirilgani (marazm). Agar Taylandda bölsangiz, konsullik mehnat daftarçangiz asosida sizga yordam berişi mumkin.
Kompaniya hujjatlari direktor tomonidan imzolangan bölişi kerak. Hujjatlar bilan kompaniya özi şuğullanadi. Barça hujjatlar tayyor bölgaç, hodim Tayland elçixonalaridan biriga boradi.
Özbekistonda Tayland elçixonasi yöq. Moskvada bor, lekin turistik viza oluvçilar köpligi sababli navbat juda katta. Agar harajatlarni kompaniya "kötaradigan bölsa" (köpinça şunday böladi), Kuala Lumpur yoki Vyentyandagi elçixonaga borgan ma'qul.
Elçixonada "application" va "checklist" töldirilib, hujjatlar bilan topşiriladi. Hujjatlar töliq bölsa, olib qolişadi va 1 iş kunida 3 oylik Non-B viza berişadi. 3 oylik viza hodimni işga qabul qilişga ruxsat berilganligini bildiradi. Bu muddatda hodim bilan şartnoma tuziladi
3 oy içida Bangkokdagi immigratsiyaga qayta hujjat topşirib, viza çözdiriladi.
Işçi vizani oliş va çözdiriş protsedurasi juda çalkaş, bu iş bilan şuğullanadigan agentlar bor. Köpinça agentlarsiz iş bitmaydi.
Işçi vizani Çangvattanadagi immigratsiyada yoki BOI (Board of Investment) "yagona oyna"da (ha, bizdagi yagona darçaga öxşaş) çözdirişadi. BOI ança qulay va eski iş joyidan spravka sörab ötirmaydi. Tuşunganim böyiça farqi - BOI da 2 milliondan ortiq investitsiya kiritgan kompaniyalar bilan işlaşadi.
Mening holatimda vizani BOIda çözdirdik. Viza tayyor bölgaç çaqirib rasmga olişadi. 1 soatdan söng Google Playdan "Digital Work Permit" dasturini köçirib olişni söraşadi va login-parol taqdim qilişadi. Şu tariqa işlaş ruxsatnomasi mobil telefonda turadi. Şuningdek, pasportga viza çözdirilganligi haqida ştamp urib berişadi.
BOI va Digital Work Permit (DWP) haqida: https://chonburi.boi.go.th/public/upload/center_4/Doc/Presentation3.pdf
Işçi viza va DWP nima beradi?
- Albatta qonuniy işlaş huquqini beradi va deportatsiyaga yoki qamoqqa tuşişdan asraydi.
- Taylandda boşqa davlatlarning elçixonalaridan viza oliş. Masalan Yaponiya yoki AQŞga sayohatga boriş uçun viza olişga Bangkokda hujjat topşiriş mumkin;
- Milliy tabiat parklari va birqança turistik joylarda mahalliy aholi uçun möljallangan narxlarni oliş. Odatda narxlar sayyohlar uçun qimmat qilib qöyilgan;
- Uy manzili DWPda körsatilgan böladi;
- Tayland haydovçilik guvohnomasini oliş;
- Turmuş örtoği va farzandlariga birga yaşaş uçun Non-O vizasini oliş;
- Nazariy tomondan 15 yildan söng Tayland pensiyasini oliş (ijtimoiy himoya tölovi 180 oy tölab borilganda) va doimiy yaşaş ruxsatnomasini oliş mumkin.
Menimça şular, qisqa ma'lumotlar yetarli böldi. Esga tuşganda yoki yangilik çiqqanda qöşib boraman.