SSDdagi bir kun

Dasturçilarning iş boşlaşi öziga xos, ajoyib. Ular, iş vaqti 10:00 da boşlanadigan ofisga 11 laga yaqin köz işqalab birin-ketin sudralib kirib kelişadi va keça keçqurun (va tunda) bölib ötgan voqealarni muhokama qilişga vaqt qizğanib darrov kompyuter va noutbuklarini yoqqan holda işga kirişib ketişadi…
Stop, şu joyida adaşdim şekilli, işga kirişib ketişadi deyiş loyiha menejerlari (qöpol qilib etganda dasturçilarni nazorat qiluvçilar) nuqtayi nazaridan adolatsizlik bölardi. Sababi kompyuter yoqilişi bilan işçi dasturlar emas, balki Mail.ru Agent, Odnoklassniki, Facebook, Twitter (va hokazo) oçilib yon tomonida ötirgan şerigi bilan muhokama, bahs-munozaraga «start» beriladi. Oğizdagi tilni işlatişga eringan «dangasa» va «işyoqmaslar» kompyuter klaviaturasi orqali yelka ustida turgan bir dona boş suyagi içidagi fikrlarini dastur kodlariga «aralaşib», «çaplanib» ketmasidan oldin hamkasblari bilan muhokama qilişga ulgurib qolmoqçi bölişadi. Bir soatga yaqin davom etadigan «iş boşlaş» jarayoni içiga yana internetdagi futbol, siyosat, va TVda berilmaydigan ijtimoiy hodisalar haqidagi yangiliklarni öqib çiqişni qöşib yuborsam «kollega»lar hafa bölişmasa kerak deb öylayman.
Har kungi bir xil vaziyatlar içida boşqa voqealar ham bölib turadiki, ular köproq ofisda «kun yangiligi» sifatida esda qoladi. Masalan bugun, Özbekistonda IT (AyTi dib öqiladi – Informatsion Texnologiyalar) sohasida köpçilikka taniş bölgan Behzod Saidov (man uçun Behzodaka) bir kun oldin sotib olgan IPhone 4S telefonini (telefon deyişga til bormiydi) köpçilikning «duhi» yetmadigan «kraş-test»dan ötkazib olişga ulgurdi. Qöldan tuşib ketgan IPhone oilasining eng sönggi avlodiga heç narsa qilgani yöq (marhum Stiv Jobsga tasanno!), ammo telefon egasi naq yurak hurujidan omon qogan bölsa kerak (bu albatta şaxsiy fikrim). Iş jarayonida IPhone, IPad brouzeri – Safari bilan birqança muammolarga duç kelganim sababli IPhone 4 dan köra Samsung Galaxy S II ni ustun körganim uçun «yuqsin-yuqsin» qilib hamkasbim mobilnigini işlatib köriş niyati bölmadi, ammo taşqi körinişidan Iphone 4S 4 dan umuman farq qilmasligini bilib olişga erişdim deb bemalol ayta olaman. IPhone «jinni»lari bölmaganlarga 4 çi versiyasi bilan çeklanişlarini maslahat bergan bölardim, garçi «tişlangan olma» logotipiga ega firma telefonlarini sotib oliş istegida bölganlar maslahatga amal qilişmasa ham .
Aytgança, yigitlik burçini ötaganim sababli ofisda 1 oy bölmaganim uçun unda bölgan özgarişlarini körib çiqişimga obeddan keyin internetning öçib qolişi sabab böldi disam hiçkim işonmasa kerak (lekin rost gap). Arçani qidirib topomadimu, lekin yangi yilga xonalarni çiroyli bezatişganini guvohi böldim, hammayoqda zarlar ilib çiqilgan. Mobil telefonlarga dastur yozuvçilar «öz haqlarini talab qilib» «boş kötarişgan» şekilli, ularni ActionScript komandasidan ajratib alohida xona qilib berişipti. Işonçim komil, ular xonada ötirvolib IPhone va Androidga dastur yoziş eng kelajagi porloq soha ekanini öylab fahr bilan işlaşayotgandir. Hamma dasturçilar özi şunaqa – özining işi dunyoda eng yaxşisi deb hisoblaşadi.
Dasturçi bölmaganlar esa afsuski buni bilişmaydi. Yöq, dasturçi bilan kompyuter yiğuvçi yoki internet-kafe administratorlarini adaştirişlarini aytayotganim yöq, bunga allaqaçon könikib ketganman. Bugun MailAgentda TATUda birga öqigan kursdoşim bekor qolgan vaqtida PHP dasturlaş tilini örganişni boşlaşga harakat qilişni öylayotgani haqida aytib ötdi (Universitetda 2-kursdan boşlangan karamşörva gap bu) va har doimgidek qaysi «uçebniklar»ni öqiş kereligini sörab suriştirdi. Ohirgi bergan savoli vaşe «dahşat» çiqdi:
– Nima dib öylaysan, PHP yana neça yil yaşarkina?
Tamom, bundan yomon savol bömasa kere. Dasturçi uçun (u birneça dasturlaş tilini bilsa ham) uni «boqayotgan» tilning yöqolib ketişi haqida savol beriş bu otning orqasida öralaşiş bilan barobar (albatta börttirib gapirdim ). 17 yildan beri yaşab hozirda «gullab-yaşnayotgan» PHP kamida yana 10 yil sayt yaratiş böyiça eng yuqori örinda turişi aniq, lekin örganmaslikka «otmazka» uçun berilgan savolga şunçaki töğri javob berişni xohlamadim:
– San PHPni örganganinda PHP allaqaçon «çetga çiqib» ketgan böladi!
Hamma öz işiga berilib ketgan vaqtda xonada 10dan ortiq odam ötirgan bölişiga qaramasdan, hukm suradigan sukunatdan paşşaniyam uçgisi kemiy qolsa kerak. Yuqorida etganim, noan’anaviy holatlarda ovoz bilan fikr bildirib jimlikni buziş mumkin xolos. Bugun jimjitlikni buzilişiga oşxonadan 2-etajga çiqvotgan kuygan hid sabab böldi:
– Mikrovolnovkada nimadir kuyvotti şekilli…
2 minutdan keyin:
– Uje yonib ketdi manimça, hidi çiqişini qara… – Sellofan içida narsa qöyişganmikin, sellofan eriganini hidi çiqvotti…
Hiç kim joyidan qimirlagani yöq! Birinçi etajda ötirgan «dangasala» ham çiqib qaraşmagan. Direktor yongan hidni sezgaç mikrovolnovkaga göştli pirog qöyganlari esga tuşib darhol pastga yugurdilar (Afsus, ofis menejeri vazifasini bajaruvçi Nataşaning şaxsiy sekretarlikka köp ham vaqti bölavermaydi ). Menmi? Men ketiş vaqtida nima bölganini köriş uçun oşxonaga birrovga qarab qöydim, kuygan hidni hisobga olmasa hammasi joyida ekan…